AANSOEK OM AKKOMMODASIE TYDENS KKNK: 29 Maart - 7 April 2012

Algemeen:
Eljada is 'n koshuistipe fasiliteit geleë in Bo-Victoriastraat aan die Noord-Ooste kant van Oudtshoorn en ongeveer 2km van die middedorp.

Fasiliteite:

Eljada koshuis, met 31 kamers ( 22 Dubbel en 9 Enkel) en 2 woonstelle met slaapplek vir 4 persone, versprei oor grond-en eerste vloer. Koshuis is in die hoogliggende deel van die dorp.
Algemene ablusiegeriewe beskikbaar op elke vloer sluit in bad-, stort, wasbak en toilet geriewe, gemeenskaplike ontspanningssaal met braaigeriewe (eie rooster). Parkering word op die terrein vir een motor per kamer verskaf. Swembad geriewe beskikbaar.
Gaste moet eie beddegoed en handdoeke bring. 'n Sleuteldeposito word gevra vir die kamersleutels.

Ander Terme en Voorwaardes:

Aankomstyd 14:00 tot 17:00. Reël vir laat aankoms. Vertrektyd: 10:00. Kinders onder 18 jaar moet onder die toesig van ouers wees. Koshuis se grondvloer is rolstoel vriendelik.
'n Deposito van 50% van die totale bedrag vir verblyf is betaalbaar wanneer bespreking gedoen word. Depositostrokies moet gefaks word aan 044-279 1878.